賀喜 (美孚新邨) (已結業)

今日放工去美孚探朋友同佢剛剛出世嘅BB，上去之前先同另一位朋友吃晚飯。隨便揀了間餐廳，但估唔到美孚竟然有精緻用心的日本菜！我地點了一個刺身拼盤、雜錦天婦羅、燒香魚、沖繩苦瓜炒蛋、南瓜露。刺身拼盤呢個刺身拼盤係廚師發板嘅二人份量，有五款刺身。每款都很新鮮及很精緻，三文魚油脂分布平均，魚油入口即溶。 赤貝鮮味爽口；左口魚平目，鮮甜，有口感；金目鯛，第一次食，魚味鮮香，油脂感都適中；油甘魚，肉質厚實，鮮嫩甘香。雜錦天婦羅蔬菜部分做得好出色，款式亦相對多，有冬菇、青椒、茄子、南瓜、番薯同紫蘇葉，每款菜都好新鮮，炸得岩岩好，反而蝦有點失色，有點過熟。燒香魚日式燒香魚，魚的份量比較細，而且多骨，但食落肉質嫩滑鮮甜，配埋檸檬，香口而不油膩。沖繩苦瓜炒蛋朋友對沖繩出產的時令蔬果很有興趣，於是點了這款沖繩苦瓜炒蛋。苦瓜的確比香港的苦瓜有質感同鮮味，蟹也是用日本蛋，但個人麻麻地苦瓜，所以朋友吃居多。南瓜露很精緻的飯後甜品，細細碗但用料相當用心，吃得出用鮮南瓜製成，沒有加太多水，配上花奶，為是晚畫上完美句號。