山下菓子 (如心廣場) (已結業)

今日去左行DONKI行完順便睇吓如心廣場有咩食，俾我搵到一間幾精緻的餐廳叫「山下菓子」，又有好多粉紅色系列精品。餐廳怖置得好靚靚，又有好多卡位，座位又舒適又有好多粉紅色精品。點左一個$169套餐有定食+飲品+布丁燒，另外點左個意粉和飲品。有麵豉湯又唔會好咸幾正，吉列豬配他他醬，吉列豬炸到金黃色肉質又嫩又有肉汁，配上他他醬超正，又有泡菜撈飯幾好味，仲有薯餅又香口又美味可口。黑松露什菌，意粉好軟熟又有咬口，仲有一些什菇撈埋黑松露醬，條條意粉都沾滿醬汁又好入味又啖啖黑松露香味跟餐布丁燒，下面是布丁上面是蛋糕，布丁好嫩滑啖啖蛋香又有軟熟蛋糕甜甜地好正宇治抹茶黑珍珠，珍珠好軟熟又有咬口，抹茶味又香濃又唔會太甜。抹香桃桃芝士奶蓋，下面有些桃肉，芝士奶蓋又濃郁，呢杯超級好飲。到最後食完飯埋單有個食物盒送，職員話今日開始單叫意粉會送一個食物盒幾正。