素菲亞 (安發大廈) (已結業)

精緻素菜 餐廳環境亦優美～～～下晝食咗好多肉 夜晚想食下素 感覺好似會健康啲 但係大舊次次一聽到食素就會好抗拒覺得好dry好悶～～～為咗顛覆佢對素食嘅感覺我就帶咗佢嚟呢一間 之前喺網上見到好多人話好特別嘅素菜餐廳黎試下新野～～～我地叫咗素蟹餅配芒果芫荽莎莎 鬼馬肉醬墨西哥脆片泰式冬陰功意大利飯 同兩杯飲品 一杯係士多啤梨荔枝茶 另外一杯係荔枝梳打～～～素蟹餅配芒果芫荽莎莎 ：素蟹餅食落去一絲絲咁 口感同蟹真係好似 配搭埋酸酸甜甜嘅芒果芫荽莎莎醬真心完全唔覺得自己食緊素 而且個賣相仲好靚～～～鬼馬肉醬墨西哥脆片：又係一款完全唔覺得自己食緊素嘅食物 肉醬無論口感定係味道都調得好似真嘅牛肉 墨西哥脆片非常香脆 撈埋鬼馬肉醬食 健康又減碳～～～泰式冬陰功意大利飯 ：素蝦同素帶子基本上都係由麵粉同埋菇製成 呢兩款海鮮雖然食落去唔似真嘅海鮮 但係佢成個飯嘅味道都跳得非常之到位 冬陰功味好突出 好香之餘 仲有少少辣 好惹味～～～最後就要講吓佢兩杯嘢飲 呢度嘅另外一個好處就係 佢啲嘢飲唔會好甜 感覺好健康 解渴得來又唔會肥膩 整體都幾高質～～～推薦度：🔥🔥🔥🔥🔥🔥🔥素菲亞 (西環)西環爹核士街28-3