影片
更多
2017-04-15
905 瀏覽
邊個話法國餐細碟又貴又唔飽？呢到價錢唔貴，好食仲食得飽添！今次第一次黎食，先自動波上左法包。有兩種包類：法式酥條同法包條，配上銀魚沙律醬。包類拎上手仲暖，已見誠意，法國包皮一如既往偏硬，但白麵包部份香軟，點埋沙律醬酸酸甜甜，食完仲想再食。Set dinner starter點左煙吞拿魚片伴牛油果醬，朋友點左蒜香大蝦小墨魚酥皮撻。煙吞拿魚片好甜，係鮮甜，好驚喜煙燻過都保留到鮮甜味！除左牛油果醬，伴碟上的橙色醬一樣好好味，酸酸味味，解左牛油果種小膩感。小墨魚酥皮撻我就冇食，比唔到意見。但朋友話小墨魚好爽口，好甜！main course 點左燴牛面頰米型意大利粉伴巴馬臣芝士及新鮮時菜，朋友就豪啲，點左波士頓龍蝦扁意粉配龍蝦燉蛋。米形意粉好得意，外形同risotto好似，但口感係意粉口感。意粉細細粒反而仲索到更多芝士醬味。另外牛面頰煮得超淋，刀都唔洗用，只係用叉就杯得散。除咗煮得淋，仲好入味。不過略嫌新鮮時菜太少，只有少量蘑菇同翠玉瓜。朋友個龍蝦扁意粉就真係抵食到爛。個燉蛋超濃龍蝦味，口感creamy，好似食緊龍蝦味版北海道燉蛋，龍蝦肉更加唔使講，啖啖肉又鮮甜。而個扁意粉其實亦都相當入味，但應
今次第一次黎食，先自動波上左法包。有兩種包類：法式酥條同法包條，配上銀魚沙律醬。包類拎上手仲暖，已見誠意，法國包皮一如既往偏硬，但白麵包部份香軟，點埋沙律醬酸酸甜甜，食完仲想再食。
Set dinner starter點左煙吞拿魚片伴牛油果醬，朋友點左蒜香大蝦小墨魚酥皮撻。煙吞拿魚片好甜，係鮮甜，好驚喜煙燻過都保留到鮮甜味！除左牛油果醬，伴碟上的橙色醬一樣好好味，酸酸味味，解左牛油果種小膩感。
小墨魚酥皮撻我就冇食，比唔到意見。但朋友話小墨魚好爽口，好甜！
main course 點左燴牛面頰米型意大利粉伴巴馬臣芝士及新鮮時菜，朋友就豪啲，點左波士頓龍蝦扁意粉配龍蝦燉蛋。
米形意粉好得意，外形同risotto好似，但口感係意粉口感。意粉細細粒反而仲索到更多芝士醬味。另外牛面頰煮得超淋，刀都唔洗用，只係用叉就杯得散。除咗煮得淋，仲好入味。不過略嫌新鮮時菜太少，只有少量蘑菇同翠玉瓜。
朋友個龍蝦扁意粉就真係抵食到爛。個燉蛋超濃龍蝦味，口感creamy，好似食緊龍蝦味版北海道燉蛋，龍蝦肉更加唔使講，啖啖肉又鮮甜。
而個扁意粉其實亦都相當入味，但應該係個燉蛋太過濃味，朋友話頭幾啖意粉好似唔夠味，不過作為jam人啲野食嘅我，一食就已經覺得意粉充滿龍蝦味！其實食完已經飽,但眼見D甜品來來往往,真係好吸引。最終又一人一個甜品。我嗌左Australian pear poached with strawberry port wine sauce and pear sorbet，計體積呢到應該有２個梨，要一個人食哂真係好飽！梨好淋，充滿酒味，應該係比酒浸左好耐！超好食。
朋友要Raspberry apricot cake with Green apple Sorbet ，佢果個仲飽！因為佢中間係CAKE，頗滯。個人認為梨好食Ｄ。
最後，仲有SNACKS 伴餐茶！我提議由蛋白餅起向朱古力曲奇食起，因為甜度亦慢慢增咁，咁就唔會搶哂其他甜點嘅味道！邊個話法國餐食唔飽？我食完行埋APM都仲飽到上心口~
張貼
