夢の丼 (已結業)

長期冇得去日本，所以一定要支持下本地日式餐廳，網上見到呢間好多好評響香港大學站附近既夢之丼，就同老婆去chill一chill啦！Menu中最吸引眼球既係佢既輕量版丼飯，賣相精緻又唔怕食飯食飽，好多款式選擇！輕量版炎之丼飯撈埋三文魚加海膽醬甜蝦蓉非常惹味，帆立貝好新鮮，加上少許醬燒既焦香味一流！花錦魚生丼三文魚、甜蛋、金蟹子同白身魚切粒滋味無窮，仲有一舊似係蟹膏豆腐好好味😋天婦羅盛合7件炸物包括蝦、冬菇、茄子，餐廳用作天婦羅既炸粉好高質，食完唔會有漏既感覺，可以講係必食推薦大滿足鍋材料豐富，包括有牛片同牛粒、青口、帆立貝，仲有大大隻既虎蝦，配上日式壽喜燒係perfect match! 而且只係$198，性價比高！