Patisserie Mon cher (已結業)

行經開中環，準備返屋企既途中見到新開左間甜品鋪就俾佢吸引左埋去望下。見佢D蛋糕十分精緻，款式都幾多選擇。嘩見到佢既北海道牛乳蛋糕都已經覺得好吸引，如果試過佢今次既cake好味既話下次一定要黎試埋個芝士蛋糕，價錢都唔貴。依道除左cake之外，都仲有紅茶、曲奇可以訂購，包裝都幾靚，用黎送禮就岩晒！睇完一輪之後終於揀好啦，要左一件Milk Mousse Kitty 同堂島卷堂島卷外層既蛋糕好鬆軟，一下切落去完全感覺到勁有彈性，食落去有淡淡既甜味，甜道岩岩好。中間用左日本牛奶忌廉，好滑呀，味道比較甜，中和左外層既蛋糕清淡味道，食落都幾清新之後就食hello kitty啦！hello kitty 係由奶凍做成，所以食落唔會好濟，幾重牛奶味，仲好滑tim!而底下係由堂島卷做成，蛋糕都同樣鬆軟，奶油creamy!!!而且中間加左一層士多啤梨醬，酸酸地咁，口感都幾特別架！總括黎講，依兩款cake都幾fresh，食多兩件都絕冇問題，下次一定要試下佢既芝士蛋糕先得！