影片
更多
2023-05-19
20 瀏覽
星期五晚同朋友嚟咗呢間法國餐廳，呢度地點方便亦離soho 區唔遠。去fine dining 嘅餐廳一般都難免會有啲拘謹，但呢度嘅氣氛出奇地輕鬆，店員由一開始帶我地去座位到介紹set dinner，態度親切。每張檯之間足夠嘅距離，唔會太近，有足夠空間傾下計，忍唔住叫左枝白酒享受呢一晚。前前菜係小巧嘅芝士croissant，形狀圓潤可愛，切開入面有薄薄一層咸香芝士，成功打開食慾。Le Cigar金箔脆卷入面係煙熏左滑嫩嘅牛肉同鮭魚子，外觀精緻奢華，味道少少酸既清新又開胃。L’ Asperge溫和嘅白汁溫泉蛋白露筍，爽脆嘅當季露筍加埋鮭魚子同蛋汁，食落味道溫潤。Le Rouget餐廳嘅講究情度亦反映係食材上面，漁民親手打捕嘅紅魚Rouget，肉質緊實加上少少茄醬調味已經好足夠，配上茄醬蔬果同酥皮令成道菜更有層次。La Poitrine De PorcPork Belly 真係一個受歡迎嘅部位，無論係亞洲到歐洲都有好多烹調方式。豬皮嘅焦香減去腩肉嘅油膩感，又保存到豬肉本質嘅肉香。Le Rhum Baba法式甜品Rum baba，Rum酒嘅果糖漿浸住蛋糕，軟糯嘅口感加埋奶油香氣，外觀精緻，十分享
星期五晚同朋友嚟咗呢間法國餐廳，呢度地點方便亦離soho 區唔遠。
去fine dining 嘅餐廳一般都難免會有啲拘謹，但呢度嘅氣氛出奇地輕鬆，
店員由一開始帶我地去座位到介紹set dinner，態度親切。
每張檯之間足夠嘅距離，唔會太近，有足夠空間傾下計，忍唔住叫左枝白酒享受呢一晚。
前前菜係小巧嘅芝士croissant，形狀圓潤可愛，切開入面有薄薄一層咸香芝士，成功打開食慾。
Le Cigar
金箔脆卷入面係煙熏左滑嫩嘅牛肉同鮭魚子，外觀精緻奢華，味道少少酸既清新又開胃。
L’ Asperge
溫和嘅白汁溫泉蛋白露筍，爽脆嘅當季露筍加埋鮭魚子同蛋汁，食落味道溫潤。
Le Rouget
餐廳嘅講究情度亦反映係食材上面，
漁民親手打捕嘅紅魚Rouget，肉質緊實加上少少茄醬調味已經好足夠，
配上茄醬蔬果同酥皮令成道菜更有層次。
La Poitrine De Porc
Pork Belly 真係一個受歡迎嘅部位，無論係亞洲到歐洲都有好多烹調方式。
豬皮嘅焦香減去腩肉嘅油膩感，又保存到豬肉本質嘅肉香。
Le Rhum Baba
法式甜品Rum baba，Rum酒嘅果糖漿浸住蛋糕，
軟糯嘅口感加埋奶油香氣，外觀精緻，十分享受。
Les Crepes Mademoiselle
現場即做嘅橙酒焦糖Crepes，可以睇到製作過程，過程好有儀式感。
餐廳仲有一個開揚嘅露天空間，食完飯同甜品就帶左酒係出面吹吹風。
原來呢度星期一至五14:30 至20:00同埋週末假日全日，有buy one get one free，
無論食物同環境服務都令人愉快，已經book咗下個月再嚟過。
張貼
