誠記小籠包拉麵 (已搬遷) 新店位置

平日成日經開行過見有人響門口叫人入去食嘢，話支持90後，今日放假就同婆婆試試好唔好食。 入到去舖面很細，有約二十五個位(唔計小巷的檯)，咁啱有張二人檯，於是唔使等位就坐低。店員同我講招牌食物是生煎包和八寶冰，但見左右隔離檯都話生煎包層皮唔脆同八寶冰太"結"所以無叫到，最後叫左個咸雞擔擔麵餐，配玉米汁，小籠包，加錢要烏梅汁同合桃芋圓芝麻糊。咸雞擔擔麵，麵無問題但雞很油膩同很"生"，好在無血水出。烏梅汁婆婆話似淡的酸梅湯，玉米汁有粟米味唔錯。小籠包同合桃芋圓芝麻糊都好味，芋圓和丸子淋淋地又有口感，婆婆都話食到易入口。感覺上呢間食肆好似糖水甜品好食過其他主食。