小越廚

營業中

休息中

是日喺荃灣做完嘢，本來諗住食餐求其飯，點知食到呢間越南菜餐廳，作風低調但味道出色，值得推介！一個人去食可以隨便叫碗粉麵就搞掂；如果兩個人去食，可以叫二人套餐。$228 包兩碗粉麵/咖喱、泰式青木瓜沙律、3款自選小食及兩杯飲品，另可加價柯打升級小食/甜品添，一個set搞掂晒！咖喱豬扒法包咖喱入面有炸得帶點微脆的豬扒、薯仔等配料，分量亦都幾大份。豬扒加咖喱汁，連埋烘脆法包，好惹味！火車頭湯河粉以生牛肉、牛丸、牛筋而成的越式牛肉湯河。一上枱，見到食物賣相好足料，又有洋蔥、芫茜、黑椒等濃味配料，以為整碗味道好濃郁，甚至過鹹；點知味道都keep住係清香，不會太over；生牛肉、牛丸、牛筋呢3款配料之中，最抵讚的係牛筋，入味之餘仲煲得好軟腍，好正！泰式燒豬頸肉小食分量比想像中多，好抵；豬頸肉本身已經充滿油香，沾埋跟碟上的酸辣醬，味道更香濃，豬頸肉邊邊仲有啲焦脆添，好難得！泰式海南雞正常水準，無嘢好彈！泰式青木瓜沙律青木瓜拌以越式魚露、胡椒粉、辣椒粉、洋蔥、番茄、菠蘿等配料而成，味道清爽微辣，幾開胃。青檸七喜飲品都夠大杯，都算有誠意嘅！餐廳光線充足，燈泡更以越南帽襯托，頗有特色。