影片
更多
2019-07-25
1193 瀏覽
係Pacific Place食晚餐金鐘Pacific Place 可以說是啟蒙了我西餐的飲食之路。細細個第一次食buffet，就係媽咪帶我哋去PP 的萬豪酒店食，對酒店內的長彎樓梯記憶猶新。到大個搵到少少錢，一班柴娃娃走去PP的Grappa’s 食西餐，傻痴痴的又要食又無咩錢要就住就住叫。第一次french fine dining，就係經PP上去ShangriLa 的Petrus。之後搬離港島，就比較少去。今次，同朋友來到PP Le Pain Quotidien覓食，咁啱又見到Deanie姐行去金鐘地鐵站。此餐廳提供的餐點非常鬼佬口味，食唔慣的一定會口擘擘。我哋order 咗Goat cheese omelette, smoked turkey tartine, 及quinoa salad。個omelette 羊芝士味十分重，加上新鮮pesto sauce，完美的結合。Salad 100%脫乾水，食材非常新鮮亦好raw，連西蘭花都係無煮／蒸過。仲有幾片紅菜頭，同唔係度度會有的金菜頭。個沙律無dressing，如果俾反小小dressing口味會無咁寡。Tartine 係法文，意指一片麵包
金鐘Pacific Place 可以說是啟蒙了我西餐的飲食之路。細細個第一次食buffet，就係媽咪帶我哋去PP 的萬豪酒店食，對酒店內的長彎樓梯記憶猶新。到大個搵到少少錢，一班柴娃娃走去PP的Grappa’s 食西餐，傻痴痴的又要食又無咩錢要就住就住叫。第一次french fine dining，就係經PP上去ShangriLa 的Petrus。之後搬離港島，就比較少去。
今次，同朋友來到PP Le Pain Quotidien覓食，咁啱又見到Deanie姐行去金鐘地鐵站。
此餐廳提供的餐點非常鬼佬口味，食唔慣的一定會口擘擘。我哋order 咗Goat cheese omelette, smoked turkey tartine, 及quinoa salad。個omelette 羊芝士味十分重，加上新鮮pesto sauce，完美的結合。Salad 100%脫乾水，食材非常新鮮亦好raw，連西蘭花都係無煮／蒸過。仲有幾片紅菜頭，同唔係度度會有的金菜頭。個沙律無dressing，如果俾反小小dressing口味會無咁寡。Tartine 係法文，意指一片麵包。目的係突出麵包上的toppings。Smoked turkey tartine 我覺得作為toppings配菜的甘筍絲青瓜絲椰菜絲切得唔夠幼。所有的包都係歐式包，紮實有麥香氣味，但略嫌麵包皮稍硬不脆身，包身不夠軟。另外點了Avo Berry Blush，椰奶牛油果香蕉藍莓 blend在一起，無一可以獨佔鰲頭，而係相互融合，無添加糖和冰，好健康好喜歡。朋友叫了西芹飲品，西芹太霸道，得一種味～
PP經過太古翻天覆地的裝修，引入了很多新餐廳，值得一來再來。我每次來英資PP食飯都留有美好的回憶。我作為香港人，一定會記得太古Pacific Place帶給我飲食的快樂。
張貼
