影片
更多
2009-10-06
83 瀏覽
:是日追月,一班義工約埋去東涌出海玩.因有人問咗朋友借隻機動艇仔俾我地出海玩,我地只係俾油錢就得啦.10:00 a.m. 鐘話係東涌既港鐡站等,hehe...我比原定約既時間遲咗2個站,真係唔好意思.但某部分人去咗買水同埋去洗手間,搞搞下,都要十點半左右先正式起程.我地係步行去東涌既碼頭,沿途要上山同下山,行到將近十一點就行到呢個叫馬灣涌既地方.呢個地方我都係第一次黎,環境唔錯幾寫意.我地安頓咗一陣,就開始水上既活動,有d人扒艇仔,亦有些人坐艇仔出海撒網,我就坐唔到啦,事關艇仔只可以坐8個人,所以唯有下轉啦.搞搞下,又到食飯時間,大紅,julia,Carman四出搵野食,俾佢地搵到附近既一間酒家,酒樓名叫東昇,跟住拉大隊去酒家,一去到...哦...咁叫酒家呀,一望門面,那裡似酒家呀,似私人住宅就真,不過一入到去,就見到有幾張枱,呢間酒家好懷舊feel,樓下俾人book咗,我地唯有上樓上,我地要了2圍,我地大大小小一共有22人,呢餐飯由大紅發板,佢叫了 椒鹽九肚魚 -炸得幾好,冇散到,又幾惹味,yummy西蘭花炒鮮魷 - d鮮魷都幾好味,不過太細碟菠蘿咕嚕肉 - 一般啦,唔講得特別好食冬
是日追月,一班義工約埋去東涌出海玩.因有人問咗朋友借隻機動艇仔俾我地出海玩,我地只係俾油錢就得啦.
10:00 a.m. 鐘話係東涌既港鐡站等,hehe...我比原定約既時間遲咗2個站,真係唔好意思.
但某部分人去咗買水同埋去洗手間,搞搞下,都要十點半左右先正式起程.我地係步行去東涌既碼頭,沿途要上山同下山,行到將近十一點就行到呢個叫馬灣涌既地方.呢個地方我都係第一次黎,環境唔錯幾寫意.
我地安頓咗一陣,就開始水上既活動,有d人扒艇仔,亦有些人坐艇仔出海撒網,我就坐唔到啦,事關艇仔只可以坐8個人,所以唯有下轉啦.
搞搞下,又到食飯時間,大紅,julia,Carman四出搵野食,俾佢地搵到附近既一間酒家,酒樓名叫東昇,跟住拉大隊去酒家,一去到...哦...咁叫酒家呀,一望門面,那裡似酒家呀,似私人住宅就真,不過一入到去,就見到有幾張枱,呢間酒家好懷舊feel,
樓下俾人book咗,我地唯有上樓上,我地要了2圍,我地大大小小一共有22人,呢餐飯由大紅發板,佢叫了
椒鹽九肚魚 -炸得幾好,冇散到,又幾惹味,yummy
西蘭花炒鮮魷 - d鮮魷都幾好味,不過太細碟
菠蘿咕嚕肉 - 一般啦,唔講得特別好食
冬菇炒菜芯 - d冬菇好味,...不過原來呢碟送錯黎,我就拎咗件冬菇,人地想收埋已經太遲了.
霸王花瘦肉湯 - 呢個湯,好入味呀,飲完仲可以食埋嚿霸王花.正
還有其它餸,味道我不能詳細講解啦.
張貼
