九份•十分 (T Town ) (已結業)

溶岩芝士雞$128份量十足，味道都幾好，芝士醬唔會過咸，沙律菜嘅份量足夠平衡返芝士同炸雞嘅油膩感。美中不足嘅係炸雞略嫌乾身左少少，而且無乜雞肉食。餐廳提供埋一次性手套比我地，唔錯紅燒半筋半肉麵$65感覺係炆左好耐，好入味，而且口感好好，筋肉分布得好平均湯底夠濃味。要挑剔嘅係伴碟條菜係凍嘅，破壞左碗麵嘅整體感覺。阿嬌擔仔麵$28肉燥好惹味，如果可以加多d葱就更好，份量細細地，比較適合小朋友/胃口小嘅人。