Omega 3 (已結業)

位於紅磡嘅日式小店，雖然地理位置一般，但每次經過都坐滿人。今天終於一試，星期日晚既八點幾，都要等位。好彩一早訂咗位。今天一心想來食海膽，一早叫姨姨留咗澳洲海膽，$240，堂食嘅話，佢會俾埋紫菜你配撘。另外喺佢出面個凍櫃，留起左一盒三文魚刺身。三文魚刺身上碟是非常新鮮，又大份。叫咗四粒帶子刺身，$12一粒，果然物超所值，超級大粒同鮮甜。推介。另外仲叫咗雞泡魚干同埋餃子雞翼。餃子雞翼又係有驚喜，10幾元一隻，但咬入去好似食緊餃子咁，好得意。性價比高。總括而言，雖然餐廳環境非常擠迫，行人通道亦好窄，但依然咁多人食果然有原因。大家如果唔怕迫嘅話都建議一試。