家素素食私房菜 (已結業)

呢度呢間素食嘅午餐非常唔錯， 除咗私房菜之外佢仲有午餐食每一天午餐都唔同。每一日都仲有例湯仲可以任添加。天氣非常之乾燥老闆都好用心煲咗靚湯，幾滋潤入邊有少少蘿蔔，味道啱啱好唔會太咸。旁邊有好多配菜仲會有水果而今日嘅水果係天桃，超級喜歡另外隔離總會有雲耳，荷蘭豆。呢度嘅素食清淡但係調味都好好，上面有蘿蔔豆腐，菜同埋一啲青椒。夠晒營養睇得出呢一間餐廳嘅老闆一定係用心煮食嘅廚師。另外旁邊嘅朋友都叫咗其他餸菜好似茄汁米粉，呢個做法都幾特別會有茄汁豆同埋米粉配，上面小白菜。同樣都會可以添加湯水，仲要唔另加收費真係好抵。另一位朋友就叫咗炒飯，餐廳亦都會準備好似梅菜湯呢一啲特別嘅有特色。每一日嘅主菜同埋配菜都會有少少唔同，啱晒唔同人嘅口味。仲有呢一度嘅黑豆漿係自家製真係非常好，保持到溫度之外仲可以享受唔同素食味。