影片
更多
2015-03-22
643 瀏覽
大家好， 皮蛋豆腐係一對鐘意食野既couple，不過我地成日都唔記得我地食過d乜，所以就決定開番個openrice account，有時間既時候就紀錄下食過既野啦 今日皮蛋同豆腐出左旺角買d電話配件，行行下到左晚飯時間，就沿住洗衣街行睇下一路行有無d貌似健康d既餐廳。皮蛋豆腐基本上一個星期7日都出街食，所以盡量都想搵d比較清淡既野食。一路行見到呢間叫素食一家既餐廳，入面都幾多人，menu上好似都有唔少選擇，好啦，今晚就食下齋la。去到六點半左右，一兩分鐘就安排到位置，嘩乜原來香港咁多人茹素同咁早食飯，間餐廳咁早已經full house咁滯。Good有得坐卡位，睇下有咩食先。餐牌上野食賣相都唔錯，似酒樓啲小菜，但黎得食素，都想食得健康啲，最好少油少鹽少味精。因為我地得兩個人，所以只叫左幾碟份量少啲嘅菜：先來一個大紅一品鮑魚翅，睇落幾足料，調味都唔算濃，冇咩味精味，可以。跟著係紅油抄手，粉皮幾滑，入面係啲素肉，個汁就唔係平時食開嘅純辣油，而係有少少花生醬味嘅汁，相對冇咁油，味道唔錯，但對我來講就唔太夠辣（可能因為我平時食得幾辣）。再來係圍村蓮藕餅，應該算係最多人叫嘅招牌菜！雖然係炸的，但
今日皮蛋同豆腐出左旺角買d電話配件，行行下到左晚飯時間，就沿住洗衣街行睇下一路行有無d貌似健康d既餐廳。皮蛋豆腐基本上一個星期7日都出街食，所以盡量都想搵d比較清淡既野食。
一路行見到呢間叫素食一家既餐廳，入面都幾多人，menu上好似都有唔少選擇，好啦，今晚就食下齋la。去到六點半左右，一兩分鐘就安排到位置，嘩乜原來香港咁多人茹素同咁早食飯，間餐廳咁早已經full house咁滯。
Good有得坐卡位，睇下有咩食先。餐牌上野食賣相都唔錯，似酒樓啲小菜，但黎得食素，都想食得健康啲，最好少油少鹽少味精。因為我地得兩個人，所以只叫左幾碟份量少啲嘅菜：
先來一個大紅一品鮑魚翅，睇落幾足料，調味都唔算濃，冇咩味精味，可以。
跟著係紅油抄手，粉皮幾滑，入面係啲素肉，個汁就唔係平時食開嘅純辣油，而係有少少花生醬味嘅汁，相對冇咁油，味道唔錯，但對我來講就唔太夠辣（可能因為我平時食得幾辣）。
再來係圍村蓮藕餅，應該算係最多人叫嘅招牌菜！雖然係炸的，但看上去好少油，咬落餅皮幾鬆脆，唔會太多炸粉，入面就好煙韌，蓮藕粒口感幾好，推薦！
接著是金莎蘆筍苗，意外地這碟菜是最惹味的， 香濃嘅咸蛋黃味， 但都唔會太漏，除了蘆筍苗外還有海鮮菇，少少番茄絲，素肉粒等，整體很不錯。
燒汁鰻魚炒飯，材料是一些素鰻魚，昆布，雜豆等，味道唔太濃，燒汁同昆布帶起哂成個飯嘅味，炒飯幾乾身，可能係少油嘅關係，食左兩碗都唔覺得好膩。總括而言，呢間野d service 都唔錯，侍應廚房都算有效率，坐得舒服，唔會太嘈。食物質素不錯，價錢相宜，性價比屬於高。如果成日食位於同一條街嘅利園食到悶，不妨都可以試下呢間平價d嘅中菜，都適合成圍親戚朋友去叫餸食飯。
張貼
