影片
更多
2017-07-04
2985 瀏覽
好多人話，素食一D都唔好食，冇肉係唔夠味既，但事實又係咪咁呢？爲左探求呢個答案，屈小姐今日帶左賴生黎到《Home Eat to Live》呢間好有意義既餐廳呢間餐廳係賣素食既（包括五辛，蛋及奶），坐落係中環街市斜對面，樓高2層，採用落地玻璃加原木色做主題，開揚得黎令人感覺好舒服，而窗口位置更加有梳化/吧枱/普通木枱比客人有唔同既Gathering選擇，從落地玻璃滲入既自然光好靚好舒服，映照落屈小姐(or你中意既人)身上面，份外美麗（令賴生忍唔住偷影左好多張相仲影到比屈小姐話添）另一方面，不得不提既，係餐廳對環境保護既用心。當你一打開Menu，你會發現佢每樣野食都用動物去命名，好似Clouded Leopard、Siberian Tiger、Silky Sifaka等等，每個名稱其實就係一種瀕臨絕種既生物。普遍既人講食素可以保護環境，減低對地球既負擔，而《Home eat to live 》就巧妙地配搭瀕臨絕種動物既命名，將素食緊扣環境保育，好有心思。而且餐廳用上再造紙比客人當紙巾用，更加分設4個垃圾筒將唔同物料既垃圾分類，營商之餘同時做埋環境保護，素食係一種生活既態度，只要去做，其實大
呢間餐廳係賣素食既（包括五辛，蛋及奶），坐落係中環街市斜對面，樓高2層，採用落地玻璃加原木色做主題，開揚得黎令人感覺好舒服，而窗口位置更加有梳化/吧枱/普通木枱比客人有唔同既Gathering選擇，從落地玻璃滲入既自然光好靚好舒服，映照落屈小姐(or你中意既人)身上面，份外美麗（令賴生忍唔住偷影左好多張相仲影到比屈小姐話添）
另一方面，不得不提既，係餐廳對環境保護既用心。當你一打開Menu，你會發現佢每樣野食都用動物去命名，好似Clouded Leopard、Siberian Tiger、Silky Sifaka等等，每個名稱其實就係一種瀕臨絕種既生物。普遍既人講食素可以保護環境，減低對地球既負擔，而《Home eat to live 》就巧妙地配搭瀕臨絕種動物既命名，將素食緊扣環境保育，好有心思。而且餐廳用上再造紙比客人當紙巾用，更加分設4個垃圾筒將唔同物料既垃圾分類，營商之餘同時做埋環境保護，素食係一種生活既態度，只要去做，其實大家都可以係日常生活入面做到好多環保既事。
講完態度，係時候講講美食；
Long Wraps and Earth Bowl
$216
96 瀏覽
0 讚好
0 留言
今次賴生同屈小姐已經食左個豐富靚早餐，所以係咁意叫左個Earth Bowl同Wrap食啦
Clouded Leopard Long Wrap
$98
80 瀏覽
0 讚好
0 留言
個Wrap直徑達10cm（連賴生個血盆大口都無辦法一啖過咁食！)，長度長過30cm，食之前賴生請店員幫我地cut開左一半方便Share食，而你都見到入面塞到漲卜卜，可想而知係幾咁豐富同滿足！ 本身個Wrap已經調左味，入面有香草沙律醬，就咁食已經好好食，爽脆新鮮既羅馬生菜同羽衣甘藍令到個Wrap好Fresh，超Juicy，水份好夠！雖然好大個，但食完完全唔覺膩！最正係雜菌，勁重菇味菇香，咬落仲勁彈牙！而烤紅洋蔥同棷欖就賦予左個Wrap濃厚既風味，不過就咁食粒棷欖就咸左少少，但佢令到成個Wrap都環繞住淡淡既棷欖香味
如果食開重口味既，絕對要點埋佢本身跟既辣醬，雖然會遮晒原來香草沙律醬既味道，但係完全係另一種風味，都好好食嫁！
Siberian Tiger Earth Bowl
$118
83 瀏覽
0 讚好
0 留言
成碗Earth Bowl面鋪滿晒料，有醃紅菜頭、醃青瓜、醃豆腐、豆角，雜菇同黑白芝麻，入面再鋪左滿滿既紫米飯！好健康呀！又補血又補充蛋白質！
至於味道呢，唔會係坊間中素食傳聞既寡同無味，反而呢個組合仲食到每種食材既味道，互相襯托！
醃紅菜頭：表面帶微酸，但當你咬入去既時候，紅菜頭本身既甜味就出番晒黎
醃青瓜：醃到酸酸甜甜，軟得黎有咬口，Yummy!
醃豆腐：表面稍微煎過，帶金黃色微脆，係醃製過之後仲將豆腐本身既豆味逼晒出黎，好唔錯
豆角：比左粒粒口感比呢個Earth Bowl
雜菌：超好味r，菇味菇香都好濃 口感仲勁彈
紫米飯：微甜，有飯味同咬口
撈埋一齊之後，每種味道你都食得出，好豐富！同埋食完感覺好健康，飽得黎唔會好濟，雖然唔算好惹味，但真係一D都唔寡！
結論係：其實素食可以好好食，而且可以培養出環保觀念同態度！只要你願意關注一下環保同自己既健康，你就會發現食素食係一件好幸福既事！
同埋Home Eat to live 既環境真係好舒服，賴生同屈小姐咁樣嘆個Lunch真係好愜意，如果有機會，我地一定會再黎
#愜意舒服既素食
#食飽飽又唔濟
#柔和陽光襯托出屈小姐的美
#痴漢拍攝技術
張貼
