影片
更多
2024-12-16
502 瀏覽
灣仔謝斐道開咗一間新素食餐廳，素某 so'N，亦係一個社區療癒品牌，會不定期開唔同題材嘅工作坊。👨🏻🏫餐牌有點心，甜品，多款茶飲，亦有套餐。套餐包括茶飲，小碟，素麵或餃子，自選一至四款點心，仲有甜品。餐牌用圖示顯示有五辛，奶或蛋。🧄🥛🥚茶飲有四個系列，各有拿鐵（熱/凍，有牛奶，可免費轉燕麥奶）或特調（只有凍） 選擇：🔵 嫩芽 Sprouts🔵 展開 Expansion🔵 揚眉 Uplift🔵 安逸 Comfort店員話順序為最淡到最濃。真漢子揀咗四點心套餐 $218，茶飲要凍嘅「安逸」茶拿鐵，要素麵。🍜安逸嘅拿鐵有茶同奶，所以基本上飲落似奶茶，不過面頭加咗啲海鹽，真係生色不少，我覺得好好飲，如果可以大杯啲就好了。面頭嘅八角只係裝飾作用，唔影響味道。😅小碟係合桃同腰果，食落係天然無添加，而且份量都幾多。四款點心：🥮 成個月餅咁樣嘅係黑糖山藥糕，凍凍哋，味道好清甜。🥕 味噌蘿蔔煮得夠淋又入味，而且好 juicy 。🪷 紅糖糯米蓮藕，原來糯米係釀咗落蓮藕啲窿度，又幾 creative ，而且夾埋食毫無遺和感，食落甜甜哋好似食緊甜品。🎃 南瓜百合，餐牌度影得好靚，但實物只係南瓜附近散落咗好零
餐牌有點心，甜品，多款茶飲，亦有套餐。套餐包括茶飲，小碟，素麵或餃子，自選一至四款點心，仲有甜品。餐牌用圖示顯示有五辛，奶或蛋。🧄🥛🥚
茶飲有四個系列，各有拿鐵（熱/凍，有牛奶，可免費轉燕麥奶）或特調（只有凍） 選擇：
🔵 嫩芽 Sprouts
🔵 展開 Expansion
🔵 揚眉 Uplift
🔵 安逸 Comfort
店員話順序為最淡到最濃。
真漢子揀咗四點心套餐 $218，茶飲要凍嘅「安逸」茶拿鐵，要素麵。🍜
安逸嘅拿鐵有茶同奶，所以基本上飲落似奶茶，不過面頭加咗啲海鹽，真係生色不少，我覺得好好飲，如果可以大杯啲就好了。面頭嘅八角只係裝飾作用，唔影響味道。😅
凍「安逸」茶拿鐵
160 瀏覽
0 讚好
0 留言
小碟係合桃同腰果，食落係天然無添加，而且份量都幾多。
四款點心：
🥮 成個月餅咁樣嘅係黑糖山藥糕，凍凍哋，味道好清甜。
🥕 味噌蘿蔔煮得夠淋又入味，而且好 juicy 。
小碟，黑糖山藥糕，味噌蘿蔔
79 瀏覽
0 讚好
0 留言
🪷 紅糖糯米蓮藕，原來糯米係釀咗落蓮藕啲窿度，又幾 creative ，而且夾埋食毫無遺和感，食落甜甜哋好似食緊甜品。
🎃 南瓜百合，餐牌度影得好靚，但實物只係南瓜附近散落咗好零碎嘅百合，南瓜係好食嘅，但啲百合好似冇咩實際用途。
紅糖糯米蓮藕，南瓜百合
46 瀏覽
0 讚好
0 留言
素麵係咪好靚呢？粉紅色，但味道都係普通麵咁，唔意外。配料係炒過嘅雜菜同野菌。🥦🍄
素麵
91 瀏覽
0 讚好
0 留言
最驚喜係個白色汁，用嚟拌麵食，夠味又唔似一般白汁咁漏，望真啲好似連油都冇。真漢子好好奇問咗店員，佢話係椰菜花碎整成嘅，唔怪得咁清新。😙
個甜品係茉莉菊花雪梨凍，唔知係特登定技術問題，佢唔係完全固體嘅，所以基本上係邊食邊飲。😂
四點心套餐
$218
165 瀏覽
1 讚好
0 留言
等緊嘢食期間負責人同一位茶嘅專家傾嚟緊嘅工作坊，其間負責人同專家講解返（順便同真漢子講埋）中間長木檯嘅來歷。🤔
原來佢哋都係來自早前香港打風而倒下嘅樹木，經木匠特別處理後變成而家嘅樣子。負責人話正常餐廳唔會咁樣安排一張長檯响呢個位置，但佢哋選擇咁做係想表達出「再生」呢個理念。聽完之後，真漢子好欣賞佢哋呢份堅持。👍🏻
呢度嘅裝修同食物都有啲日系，嘢食清得嚟好味，而且賣相靚，配搭又算有創意。真漢子一般對文青 feel 嘅餐廳都有啲保留，但呢度我覺得幾鍾意，响度同大家推介吓。😊
張貼
