Mayse Artisan Bakery

營業中

休息中

之前睇完蘋果既報導就想食Mayse（依家已經冇得再睇），想試下啲人手製無添加既歐洲風味麵包。但係大美督真係太太太山旮旯，假日黎又太多人，唯有等到平日少啲人先黎。去到先發現原來得室外坐位，果下有啲想縮沙，因為真係好熱，唔郁都係咁流汗。一場黎到冇理由唔食，好彩啲枱有好大把太陽傘，又有大排檔風扇吹住，叫做好少少啦。一心諗住食pizza，但因為焗緊麵包所以冇得焗pizza，好彩都仲可以揀食panini，如果唔係真係喊出黎Panini有兩款，先黎係Truffle Melt Panini。啲黑松露味勁香，vegan cheese好似唔洗錢咁落左勁多，同啲香草好夾。個包有啲種籽咁，多左啲唔同既口感，烘得夠脆而且一啲都唔乾，好味到唔識形容！Caprese Panini睇個名完全唔知係乜，原來Caprese係一種沙律，有芝士、蕃茄同basil，配以橄欖油同鹽調味。簡單既調味突顯左食材既新鮮同美味，真係好正呀，從來未食過咁好味既panini。一路食緊果陣都keep住有人黎幫襯買麵包，以一個咁偏僻既地方黎講真係好好生意呀！而我地千里迢迢黎到，滴哂汗咁都要食就知佢地咩料啦，為左美食真係可以去到好盡。果然對食物