影片
更多
2020-02-08
1629 瀏覽
POP Vegan時不時都會update下個menu，每次去食都會有驚喜。今次去食就見到有素鵝肝同watermelon steak，兩樣都好得意。眾所皆知鵝肝既生產過程好殘忍，啲鵝會被灌食黎谷大個肝，所以有素食option真係對鵝既一大喜訊。不過今次比watermelon steak吸引左，下次先食素鵝肝啦。之前上網見過人拎個西瓜去grill，整完出黎個樣同塊五成熟既牛扒一模一樣，睇完之後勁想試，估唔到喺香港都有機會食到。上菜果陣見到個賣相真係好似牛肉，食落去個口感係有少少un un地，同平時食既西瓜又唔係好同，素食果然係充滿驚喜。點依個既時候店員特別提醒個份量唔算多，所以大家當係一個小食就ok。海南雞飯個雞就冇乜大驚喜，反而係個飯好食到停唔到口！啲米唔會太乾又唔太濕，啱啱好，食果陣香氣四溢，如果有得淨叫個飯就好，一個人食兩三碗都冇問題。Carbonara好creamy，個sauce好杰身，但因為佢冇用cream同蛋整，食落去唔會太有罪惡感。配料有啲菇同素肉，不過我覺得如果落多啲菇代替埋啲素肉會更好。最近因為疫症蔓延，大家都少左出街食飯，好擔心啲餐廳會做唔住引發結業潮。素食餐廳已經唔多
之前上網見過人拎個西瓜去grill，整完出黎個樣同塊五成熟既牛扒一模一樣，睇完之後勁想試，估唔到喺香港都有機會食到。上菜果陣見到個賣相真係好似牛肉，食落去個口感係有少少un un地，同平時食既西瓜又唔係好同，素食果然係充滿驚喜。點依個既時候店員特別提醒個份量唔算多，所以大家當係一個小食就ok。
海南雞飯個雞就冇乜大驚喜，反而係個飯好食到停唔到口！啲米唔會太乾又唔太濕，啱啱好，食果陣香氣四溢，如果有得淨叫個飯就好，一個人食兩三碗都冇問題。
Carbonara好creamy，個sauce好杰身，但因為佢冇用cream同蛋整，食落去唔會太有罪惡感。配料有啲菇同素肉，不過我覺得如果落多啲菇代替埋啲素肉會更好。
最近因為疫症蔓延，大家都少左出街食飯，好擔心啲餐廳會做唔住引發結業潮。素食餐廳已經唔多，如果大家咁啱經過，不妨多啲幫襯支持下，等好既餐廳可以渡過依個難關。
張貼
