金田長壽司 (已結業)

差不多10點才去到,一枱客都無。以為佢快要打烊,所以問一下侍應幾點關門,好在佢11點先收,十點半lastorder,仲有時間食。服務都唔錯,不停加水,又會提議下有咩好食,呢到既賣點主要係大同埋長,所以覺得味道都係普通,不過都新鮮,所以好好食。大大隻既特大帶子,好重手呀,好食,不過飯既比例少,好似食緊刺身咁。長鰻魚都好正,好多肉,好食過一般店既鰻魚壽司。北寄貝就無咩味,不過口感合格,彈牙~秋葉長腳蟹比想像中弱雞,無甜味,同埋蟹腳不怎麼大。花之戀還可以,大隻,三文魚甜,夠肥,不過過多沙律醬。用東亞信用卡找數有九折,即免加一