紐約客 (已結業)

第一次食<New York Diner>。上次食對面間上海婆婆，經過見到<New York Diner>，今次見到出面有個牌仔話叫一個餐，第二個餐半價，好似幾抵，於是入來試下。搵Open Rice，都係有好多讚，影相都大大碟，美國菜都大大碟。但實情係中上小小啦，碟頭唔大，無講到咁好食。龍蝦意大利飯 - 半隻芝士焗龍蝦上，加意大飯，飯入面係半隻龍蝦肉。味道唔錯，飯一粒粒。不過呢個反差好大，同Open Rice入面相差好遠，好細碟，龍蝦又細，無乜肉，（舊肉就係下面張拆肉相嗰茌肉仔，仲細過我個尾指）！😞黑松露磨菇意粉 - 上碟時有一pat仔黑松露喺意粉面，撈埋意粉食生色不少，黑松露真係好正。一上枱已經好香，意粉口感剛剛好，又唔會太稀或者太杰，唔錯！蕃茄湯 - 唔係磨菇湯，有啲失望。蕃茄湯有啲稀，味道ok嘅。飲品 - 是日精選，柚子水，太稀，無厘味道。