666泰船麵 (德輔道西) (已結業)

呢間餐廳有樣好處就係有得揀細份同埋正常size，想試多啲野嘅朋友就可以帶多幾款全部帶細份，個價錢都唔係好貴。因為想飽肚啲都嗌左兩個海南雞飯，嗌左個豬肉船麵轉河粉同埋香蘭葉包雞。我覺得個海南雞飯係幾好食嘅不過就冇去到覺得啲雞好滑嘅感覺，但係始終細分講緊係$30一碗，呢個價錢就冇乜挑剔嘅地方。咁個船麵我就覺得係超級正，河粉係比較粗嗰款，係我鍾意食嗰隻，不過真係略嫌太細份，啲河粉好少，食幾啖就冇，個湯底都幾正宗，好濃郁。香蘭葉包雞，呢個唔錯，個雞都幾滑同埋香蘭葉味好重，幾值得一試。呢間小店幾有特色，價錢都唔會話太貴，但就唔係坐得好舒服，係大家搭枱坐圓枱，不過我覺得呢個價錢來講幾值得黎試吓。