中村藤吉 (已結業)

去完觀禮、行完SOGO、食完唔好食鯛魚燒之後，大少突然話想去食中村藤吉，因為之前我地去大阪，朋友好堅持話要食綠茶雪糕，最後朋友兩夫婦未能同我地成行，而我地亦改變行程去立山黑部，所以綠茶雪糕……去日本無緣食，大少為了解有幾大吸引力，所以想去一試本來諗住，都開業咁耐，應該會少人好多……點知……原來我太睇少綠茶本身吸引力(因為小翼本身對綠茶唔太偏好)，我拎飛……竟然要等40張飛，當時已經係3點幾~~好彩，因為飛上面有BR Code，我地可以去行住街等，唔需要一定坐門口排，大約90分後，我見爭3張飛到我地，我地就飛快返上去，好彩前面幾張飛客人原來都走晒，我地一上到去就可以入座香港租金貴絕全球，但係中村香港店座位與座位之間，空間寬闊，座位唔多，所以……就算排隊客人唔多，都要等好耐香港店用半間店鋪鋪面賣抹茶、抹茶茶具、食品，所以可以安排客人用餐地方實在真係唔多店員特意提醒，茶壺比較熱，斟茶時一定要用手指按住壺蓋，但係……個壺蓋真係好熱……茶壺裡面係煎茶，我最鍾意，綠茶、抹茶我唔太偏好，煎茶、玄米茶我比較鍾意年糕紅豆湯 - 店員落單時都有提醒我，年糕紅豆湯比較甜，不過，我無諗過一向愛甜嘅我，都會覺得