影片
更多
2024-05-01
2126 瀏覽
一直都想食好耐，見到youtube 仲有個channel 會一直影住佢開檔。見最近馬田去左食，都幾好評，就終於的起心肝去！星期六，今日落大雨，12點前已到，但都係好多人。由排隊落單到有得食都搞成5個字，不過食碗麵就3個字搞掂😂環境都乾淨既，仲要落雨 佢地都一直有人狂拖地。我叫左魚餅，蘿蔔，牛腸，豬腸。成碗個湯底都好清，食牛腸同豬腸會食得到佢本身嘅味道。牛腸好爽，豬腸就幾重豬味，兩者都已經去晒啲脂肪，成件事唔肥膩。 我平時就鍾意食肥豬大腸，所以今次會覺得牛腸好味啲。蘿蔔好清甜冇渣。魚餅就好似大家都會叫嘅，其實同普通鯪魚肉差唔多，不過都好味。米粉底，我明點解有comment 話太淋。唔會爽身，但我又唔覺太淋，都好味既。四餸，叫多杯檸茶，total $57。所有野都好味，但你話係唔係會成日掛住既味道，就未必係。好味既車仔麵囉。
見最近馬田去左食，都幾好評，就終於的起心肝去！
星期六，今日落大雨，12點前已到，但都係好多人。
由排隊落單到有得食都搞成5個字，不過食碗麵就3個字搞掂😂
環境都乾淨既，仲要落雨 佢地都一直有人狂拖地。
我叫左魚餅，蘿蔔，牛腸，豬腸。
成碗個湯底都好清，食牛腸同豬腸會食得到佢本身嘅味道。牛腸好爽，豬腸就幾重豬味，兩者都已經去晒啲脂肪，成件事唔肥膩。
我平時就鍾意食肥豬大腸，所以今次會覺得牛腸好味啲。
蘿蔔好清甜冇渣。
魚餅就好似大家都會叫嘅，其實同普通鯪魚肉差唔多，不過都好味。
米粉底，我明點解有comment 話太淋。唔會爽身，但我又唔覺太淋，都好味既。
四餸，叫多杯檸茶，total $57。
所有野都好味，但你話係唔係會成日掛住既味道，就未必係。好味既車仔麵囉。
張貼
