WATERMARK

營業中

休息中

話說呢間餐廳開咗一段時間，前排個個朋友都打卡，因為享有無敵大開景，而且聽講啲嘢食都唔錯。終於呢晚約咗五個人去食，由前菜到主菜到甜品，全部都好大份，而且賣相精美。最重要係好多呢啲酒靚餐廳路線有時都係未必好食，但呢度都打破咗我嘅觀感。前菜嘅荷蘭復古蕃茄同龍蝦湯，龍蝦湯唯一個問題就係唔係好夠熱，但味道合理正路，甜菜頭及布拉塔芝士都係唔錯，愛芝士一定會愛上，仲有香煎北海道帶子同後面嘅淺漬油甘魚最深得我心，佢油甘魚淺漬得好特別。主菜夠多人就食到好多野，三黃雞肉卷，西班牙伊比利亞黑毛豬同燴牛面頰肉都各有出色之處，三個都可以話要試。我最愛係佢地個深海白鱈魚，至於M7 和牛板腱扒，用得咁靚嘅料都知道味道唔會有大問題，反而如果你唔夠多人就要諗吓食邊個主菜較為好少少。至於當晚女士很多，所以甜品都可以掃餐牌，芝士蛋糕，白酒燴梨、咖啡意大利芝士慕絲同芒果椰子蛋白脆餅。當然要講呢度啲Cocktail都幾靚，試左幾杯都無乜伏，呢間絕對值得同朋友casual食飯又或者table for two，重點係有海景有嘢食而價錢都唔太貴。