阿爺燒鵝餐室

營業中

休息中

上次太夜過來冇得食燒鵝，今次就醒啦，六點幾就過嚟買，幾隻燒鵝排排企等緊我！可以買原隻燒鵝髀或者全隻/半隻/上庄/下庄，最後決定要下庄（$138 ），咁就有髀食啦！企喺度等外賣都聞到燒味嘅香味，燒鵝皮令立立，芳香撲鼻，仲有好多汁添！咬一啖有好多肉汁，肉質都好唔錯，實淨得來又唔會太硬，燒鵝油香味喺口腔內盤旋，餸白飯好正！今次亦留意到多咗好多優惠，例如午市套餐$58包四樣嘢，堂食同外賣都得，另外仲有$18半隻雞（要外賣自取滿$100），真係算平喎，下次有機會再試吓啦。