陳鵬鵬潮汕菜館

營業中

休息中

聽好多朋友話 ，一定要嚟呢間陳鵬鵬嚟試下，排隊好震撼，排咗一個鐘，但係無辦法啦，美食當前，等就等啦！前枱嘅職員好窩心，話比我聽等候時間需要長一啲，我哋6個人安排咗一張大枱，入座後就有一位女職員好詳細咁介紹佢哋公司嘅招牌菜，所以我聽佢話叫咗半隻鵝、1隻凍蟹、海鮮沙鍋粥、金不換焗雞、馬友烏頭蠔仔烙同潮汕7樣菜，咁多款嘅招牌菜都好啱我哋口味，尤其係鹵水鵝，同其他潮汕菜館不一樣，鹹味適中，鵝肉鮮嫩而且好juicy，海鮮沙鍋粥更一絕，鮮味十足，完全食唔出有味精，馬友好特別，起初以為係鹹魚，原來係一條新鮮嘅馬友，其他地方好少有得食，完全無腥味之外，肉質鮮嫩可口，而其他菜亦不需多講，都係做得出色，完全唔似一般嘅潮汕菜，而職員嘅服務亦非常專業及友善，特別有一位女職員，非常貼心及窩心，好有耐性咁介紹食物之外，亦非常貼心講解各款菜式嘅食法，令我哋食出食物嘅鮮味，所以我決定陳鵬鵬係我同朋友家人聚會飯焗嘅好地方。