影片
更多
2008-06-08
23 瀏覽
難得媽咪放假幾大都要拉佢去一齊飲茶 , 去左附近開左好耐但係冇試過既呢間酒樓 , 面積比較大所以就算多人都唔駛等位幾好。 香滑流沙包 ~ 雖然個包既樣有d差 , 不過入面真係溉到d沙出黎 , 味道亦唔會太甜 , 一口氣食左兩個。 爽滑牛仔肉腸 ~ d腸粉皮好香滑 , 又唔會皮厚冇牛肉 , 仲夾左少少生菜 , 正!!! 紫荊蝦餃皇 ~ Dad讚的確唔錯 , 整得皮薄蝦靚 , 最緊要係d蝦肉爽口唔"梅"。 鮮蝦腐皮卷 ~ 因為有蝦又唔食得 , 見住Mum食完一件接住又夾多一件放入口 , 就知道應該係好食啦。 沙爹魷魚金錢肚 ~ 唔會特別好味道 , 但係魷魚同金錢肚都好腍又入味 , 蘿蔔亦幾甜。 頭湯鮮竹卷 ~ 平時我好少會食 , 但係呢度既鮮竹卷真係幾正 , 飲一啖頭湯再食就更加好味道。 富士魚翅餃 ~ 一睇就知道係粉翅 , 冇可能佢會比真魚翅整比客人食啦 , 可惜d餡又係有蝦 , 所以冇試到。 陳皮牛肉球 ~ 體積比較細粒 , 可以一啖一粒放入口食。叫左8籠點心都係$123埋單 , 抵食點心款式又多 , 自從敦豪變左潮家之後 , 真係好耐冇試過飲茶係覺得d野好食架啦 , 好彩宜家知道紫
難得媽咪放假幾大都要拉佢去一齊飲茶 , 去左附近開左好耐但係冇試過既呢間酒樓 , 面積比較大所以就算多人都唔駛等位幾好。
香滑流沙包 ~ 雖然個包既樣有d差 , 不過入面真係溉到d沙出黎 , 味道亦唔會太甜 , 一口氣食左兩個。
爽滑牛仔肉腸 ~ d腸粉皮好香滑 , 又唔會皮厚冇牛肉 , 仲夾左少少生菜 , 正!!!
紫荊蝦餃皇 ~ Dad讚的確唔錯 , 整得皮薄蝦靚 , 最緊要係d蝦肉爽口唔"梅"。
鮮蝦腐皮卷 ~ 因為有蝦又唔食得 , 見住Mum食完一件接住又夾多一件放入口 , 就知道應該係好食啦。
沙爹魷魚金錢肚 ~ 唔會特別好味道 , 但係魷魚同金錢肚都好腍又入味 , 蘿蔔亦幾甜。
頭湯鮮竹卷 ~ 平時我好少會食 , 但係呢度既鮮竹卷真係幾正 , 飲一啖頭湯再食就更加好味道。
富士魚翅餃 ~ 一睇就知道係粉翅 , 冇可能佢會比真魚翅整比客人食啦 , 可惜d餡又係有蝦 , 所以冇試到。
陳皮牛肉球 ~ 體積比較細粒 , 可以一啖一粒放入口食。
叫左8籠點心都係$123埋單 , 抵食點心款式又多 , 自從敦豪變左潮家之後 , 真係好耐冇試過飲茶係覺得d野好食架啦 , 好彩宜家知道紫荊原來係咁掂 , 以後可以多d黎食 , 試埋佢既午時套餐 , 平均都係$120左右就夠幾個人食飽哂。
張貼
