半熟工房 (已結業)

芝士撻熱潮既威力實在強勁，自從日本過江龍黎香港開分店後，平時忙碌既香港人都唔介意排成個鐘，就係為左芝士撻，而唔同款式既芝士撻都紛紛出現，希望係呢個市場分一杯羮，當中以半熟工房係其中一個較能冒起既專門店，一直以黎都好想試，今日經過就試左個朱古力撻一個$22 六個$120因為想試試先所以買左一個先，其實都算大，大概有手掌咁大，比起另一芝士撻專門店大1／4左右，職員話現場食係微暖，拎上手的確feel到好少既暖，食落口就唔多食出係暖，最多只能話係室溫~ 食落同預期差唔多，撻皮頗脆口而且薄，個人口味覺得撻皮其實厚身同曲奇皮更好味，不過食左咁多間芝士撻都無呢種撻皮。朱古力饀做到半熟但未至於流心既狀態，或者加熱一啲會有流心既效果會更佳，朱古力味比想像中濃，但同時都較甜，甜味稍為蓋過左朱古力既濃，如果追求朱古力純味既朋友可能未能滿足了。總括黎講，整體味道可以接受，但未有驚喜，如果以$22一個黎計，唔算抵食，但用作滿足一下流心芝士撻慾望，又無妨既