ラーメン松壱家 (已搬遷) 新店位置

拉麵就食得多,但係以雞湯做主打既就第一次喔.呢間位於銅鑼灣既ラーメン松壱家(剩係識讀松同家字),晚上7點,客人只有半滿,但不減我食拉麵既慾念!雖然有豬/醬油/味噌/鹽既選擇,但係我諗9成既人黎,都係為左$83既終極雞湯拉麵~~清黃色既湯底,就是濃郁而幼滑既雞湯,呢種感覺唔係好似其他風格咁杰撻撻!而且絕不油膩.附送檸檬一角,加左之後飲落更加清!不過都係原汁原味好!麵條絕對彈牙喔.雖然係咁,但係不過餃子,又式者拉麵上的叉燒,都完全唔吸引.舊叉燒好似肝硬化咁...仲有個食法,係可以加飯黎食,不過我就唔挑戰了