榴槤貴族 (已結業)

榴槤冰皮月餅越來越多，但係好食又真材實料又有榴槤香既真係少之有少記得之前食過某大月餅商既榴槤冰皮月餅，真係勁失望D工廠貨榴槤肉又唔多，又唔香如果你同我一樣都對D大廠既榴槤冰皮失望既話咁就信我，黎呢間買就岩，一定唔會令你失望位於葵廣美食街既呢間榴槤貴族雖然只係新開但係你經過一定會知道佢存在因為淨係經過已經聞到陣陣榴槤香有售XO、黑刺等多款榴槤而臨近中秋，梗係要整返盒冰皮月餅啦淨係個盒同個袋已經散發出貴族既氣息送禮自用都係一流（兩隻可愛公仔係私伙既）黑色：尊貴黑刺冰皮月餅白色：貓山王冰皮月餅貓山王冰皮月餅貓山王可以話係香港人既至愛原因當然係佢比起一般榴槤份外香甜而呢到既貓山王冰皮月餅就完全將佢香甜既特別表現出黎食落又香甜又creamy，而且真係啖啖都係果肉好似將成個榴槤既精華放入口到咁尊貴黑刺冰皮月餅黑刺榴槤因為產量少，所以價錢貴將佢造成冰皮月餅真係完全符合榴槤貴族之名黑刺特點係佢榴槤味更香更濃，而且口感比貓山王清爽將佢造成冰皮月餅雪凍黎食中秋仲係熱熱地既天氣食簡直又清爽又透心涼，perfect match！今次真係好大驚喜好後悔冇買埋佢既榴槤流心奶皇月餅極力推薦呢間堅係真材實料既小店！