影片
更多
2021-11-10
2693 瀏覽
喺2021年首奪亞洲50大最佳餐廳之一嘅大班樓名氣響噹噹，訂位更加要最小早半年訂先有，今次終於可以嚟到試吓👏🏻!餐廳裡面環境似舊式啲但中西感覺都有嘅餐廳，無話好多花巧裝飾，今次坐二樓，閣樓關係樓底唔算高，環境亦唔大，整體感覺唔係好有格調嗰啲，唔靠餐廳環境佈置而咁有名氣，深信絕對係食物嘅質素更見一班。打開餐牌，會發現餐牌上面嘅菜式對比好多中菜廳嚟講係相當少見，之後發現呢度除咗係無味精外，亦都棄用咗粵菜成日會用到嘅上湯同埋蠔油等，改用咗自家製嘅雞油，蝦油同豬油等等做調味。我哋分別揀咗晚市套餐一同二，每位$880，四位起計。另外亦額外叫多少少，所以總共有12道菜，個人認為每道都係好出色，以下幾樣就特別深刻：🔹雞油花雕蒸大花蟹配陳村粉：佢上枱時，我係心大叫：「終於食到啦！」呢道菜式其實好多地方都有好多唔同但相近嘅做法，但我堅持要將第一次食嘅味道留俾大班樓，因為見好多人食完都大讚；先唔好理隻蟹啲蟹肉有幾鮮甜，個汁真係呢道菜嘅精髓，鮮到不得之了，汁底分別用咗雞油同花雕汁，兩者味道均係極重之餘，亦有非常濃郁嘅蜆肉味，撈埋好滑溜嘅陳村粉真係令人回味無窮🤤⋯如果唔係好飽我會叫多一份陳村粉倒落去，但最後我
餐廳裡面環境似舊式啲但中西感覺都有嘅餐廳，無話好多花巧裝飾，今次坐二樓，閣樓關係樓底唔算高，環境亦唔大，整體感覺唔係好有格調嗰啲，唔靠餐廳環境佈置而咁有名氣，深信絕對係食物嘅質素更見一班。
打開餐牌，會發現餐牌上面嘅菜式對比好多中菜廳嚟講係相當少見，之後發現呢度除咗係無味精外，亦都棄用咗粵菜成日會用到嘅上湯同埋蠔油等，改用咗自家製嘅雞油，蝦油同豬油等等做調味。我哋分別揀咗晚市套餐一同二，每位$880，四位起計。另外亦額外叫多少少，所以總共有12道菜，個人認為每道都係好出色，以下幾樣就特別深刻：
🔹雞油花雕蒸大花蟹配陳村粉：
佢上枱時，我係心大叫：「終於食到啦！」呢道菜式其實好多地方都有好多唔同但相近嘅做法，但我堅持要將第一次食嘅味道留俾大班樓，因為見好多人食完都大讚；先唔好理隻蟹啲蟹肉有幾鮮甜，個汁真係呢道菜嘅精髓，鮮到不得之了，汁底分別用咗雞油同花雕汁，兩者味道均係極重之餘，亦有非常濃郁嘅蜆肉味，撈埋好滑溜嘅陳村粉真係令人回味無窮🤤⋯如果唔係好飽我會叫多一份陳村粉倒落去，但最後我都有拎走埋啲汁返去再煮麵。
雞油花雕蒸大花蟹配陳村粉
84 瀏覽
0 讚好
0 留言
🔹脆皮迷你糉配菊花糖：
外皮小小脆口，裡面煙韌，配菊花糖嘅味道好特別又好味，菊花碎就咁夾起嚟食都係好清甜。
🔹話梅肉桂糖醋排骨：
我覺得呢道菜式非常有驚喜，排骨選用咗一字骨，醃得超級入味，話梅桂糖醋味掛滿哂全舊排骨，酸甜味平衡得啱啱好，煮得好冧但又唔會過火，肉質好juicy!
話梅肉桂糖醋排骨
66 瀏覽
0 讚好
0 留言
🔹梅菜芥蘭：
梅菜配芥蘭呢個組合幾新鮮，梅菜提鮮，芥蘭鮮甜，而且兩者均係鹹甜味適中，芥蘭選用咗最嫩嘅嗰部份，完全無渣，解膩一流👍🏻
🔹三蝦炒飯：
分別用咗鮮蝦，蝦乾同蝦膏去做原材料，炒飯粒粒分明，味道唔會過鹹，而且炒得非常乾身，碗裡面近乎無油。
三蝦炒飯
49 瀏覽
0 讚好
0 留言
🔹生磨杏仁茶：
杏仁味道好濃郁，感覺上相當滋補又夠熱，完美句號。
生磨杏仁茶
46 瀏覽
0 讚好
0 留言
只能夠讚嘆呢度嘅師傅功架好深厚，手藝精，無論係每道菜嘅用料同調味上，均係剛剛好，配搭上亦非常有心思，各樣出色都藏喺細節位裡面。必定會再訪。
張貼
