金記冰室 (元朗廣場) (已結業)

金記冰室已經係唔只第幾次黎食，會黎食咁多次嘅原因係因為呢度嘅食物品質有保證，就算係其他分店都可以依然keep到水準，唔駛怕會中伏，所以就算係其他區如果諗唔到食乜，食金記都一定冇錯。乾炒牛河牛肉份量夠多，河粉炒得有鑊氣，好有大排檔嘅風味。XO醬西蘭花炒蝦球同滑蛋炒蝦仁嘅蝦仁都係大大粒，XO醬西蘭花炒蝦球就惹味d，而滑蛋炒蝦仁就淡少少，兩個小菜都好岩用黎送飯食。沙嗲肥牛粉絲煲除左今次D 肥牛韌左少少之外，其他都幾好嘅。