鱘

營業中

休息中

今日本來想食日式嘅料理，嚟到呢一間餐廳發現原來除咗日式嘅料理之外拒上層係係酒吧，仲可以叫魚子醬食，但係今日我哋都揀咗幾個簡單嘅嘢菜，下次先再去飲酒。佢夜晚會有一至二人或者三至四人嘅套餐，本身我哋想叫個二人套餐，見佢有前菜又有主菜又會有餐湯同埋甜品 價錢仲要只係三百幾蚊，十分之吸引。但係今日又唔係好肚餓，所以我哋散叫左一個美國嘅安格斯牛扒，份量剛好，牛扒就比較薄，佢嘅配菜份量有好多，除咗有蘆筍之外仲會有翠玉瓜，茄子等等。另外呢一個原條嘅燒茄子係日式嘅風味，茄子上面會有啲堅魚碎碎，同埋日式嘅風味醬汁。仲有我鍾意食嘅黑松露薯條，其實就係炸薯條配上沙律醬，沙律醬入邊會有黑松露，味道十分之香濃，好味。