J's Petite Kitchen

營業中

休息中

炎熱中午，唔想在烈日當空之下步行太長時間，於是選擇了靠近公司附近的長沙灣廣場內覓食。是日嚟到以蘋果綠色為主要裝飾的J’s Petite Kitchen享用午餐，餐廳每日都會有唔同嘅lunch set選擇，星期二午餐除咗有麵包類之外也有意大利粉同螺絲粉，而令筆者覺得貼心的是餐牌裡其中兩款是全素類餐，細心的一概照顧到所有食客的口味選擇。是日選擇了墨西哥辣豬肉醬意大利粉配烤甘筍湯餐湯。金黃色的烤甘筍湯不但看似南瓜湯的色底，就連味道也與南瓜湯接近，若不是餐廳職員講述，相信很多人也會與筆者一樣，誤以為這是南瓜湯。言歸正傳，餐湯的味道相當的濃郁芬香，很開胃。對於嗜辣的筆者來講，當然一心希望辣豬肉醬的辣度高少少就好啦~但奈何事與願違，此醬顯然一啲都唔辣，味道不夠濃厚，偏淡的意大利粉若沒濃稠的醬汁般調，會讓人有種食之無味之感，儘管如此，麵條韌度是唯一可取之處，口感極佳。