森 (已結業)

食完飯又到左又新街掃街，買完野飲就係時候食雞蛋仔，食過X芽，今晚試下森先，後面條街好似又開多左檔，真係競爭激烈，無實力都幾難留低。落完單坐低等食，森間舖幾大喎，有兩張枱四個位，幾好hea，仲有埋紙山巾添，抵讚。買左綠茶味雞蛋仔加朱古力碎，廿三蚊，真係公價人情，間間有啲特色嘅雞蛋仔都要廿幾蚊或以上，明明以前都係幾蚊一底，而加越黎越矜貴。等左大概五六分鐘有得食，即叫即整又算快手。超濃綠茶味，真係好濃，唔係得個色，合格有餘！！朱古力碎每粒雞蛋仔都有，加呢三蚊又唔貴喎，朱古力成本都唔平。雞蛋仔很軟身，粒粒飽滿，重綠茶味又有朱古力碎，巧巧味喎！