翡翠江南 (已結業)

喺酸菜魚熱潮襲港之前，我已經成日嚟呢度嗌酸菜魚，$198一大碗，入面既魚肉質素ok，肉身幾實，份量都夠兩個人分，另外仲有水晶粉，都幾飽肚！今次試食口水雞，雞肉好夠稔，亦好入味，個汁辣得嚟好香！不過口水雞好濃味，建議配合翻d淡味既餸菜。另外呢間餐廳既特別之處係有唔少素食提供，仲有素既擔擔麵！唔食豬肉既人就可以有多個選擇。另外佢地既素餃都係我既至愛，即叫即蒸，味道層次豐富。呢間餐廳服務亦唔錯，空間寬闊，坐得舒服，所以見好多食客都帶客人嚟晚飯，或者有我地呢d家庭熟客。