寬巷子 (已結業)

最近發現海港城嘅寬巷子，推出中午一人火鍋都只係$88🤩 超抵食！ 餐廳係台灣過江龍，裝潢古色古香，甚有格調，而有一半的座位仲可以見到美麗嘅維港景色😌 巷子一人火鍋湯底6選1， 有麻辣、養生、豬肚、沙茶、椰王牛乳燉雞等，一人一鍋。我就揀咗滋潤嘅椰王牛乳燉雞，湯底都幾濃，而且小小的一鍋，材料都唔少。 三款配料可任選，有三四十款，包括美國肥牛、日本黑豚五花腩、羊肉、鴨血、台式豆皮、滷香牛腱等，選擇好多，加配都係$12款起。我哋亦追加咗和牛肉眼，雪花❄️紋迷人，嫩滑好味，入口即溶。另外亦包主食及飲品各一款，朋友點嘅巨蜂提子砂冰確實搶眼，一整支雪碧放左杯上，味道清爽