影片
更多
2024-08-14
137 瀏覽
晚餐諗唔到食乜嘢，朋友建議去紅磡搵食，路過見到「勁餃笑」個名都幾特別，主打各種款式嘅水餃，我都好鍾意食水餃，可以試唔同嘅味道，就畀佢吸引咗入去。入到去坐低後，店員遞上qr code同自家製香辣菜脯。我叫咗8隻湯餃（$48).鮮蝦帶子餃併大蔥牛肉餃（+$8)入面有原隻鮮蝦和帶子，豬肉和粟米，鮮味十足。大蔥原來係紫蘇葉，又唔會蓋過牛肉嘅鮮味，每隻都飽滿多汁。朋友叫咗煎餃8隻（+$48)，黑松露豬肉餃同芝士辣雞餃（+$6)黑松露味道濃郁，入面仲有粟米粒，增加口感。芝士辣雞餃有少許辣，味道唔錯。餃子煎得好靚，外皮煎到金黃色，非常香脆。除咗餃子我仲跟餐加麵食花膠雞絲湯拉麵（+$35)有一大片花膠，雞絲嫩滑，拉麵份量多又爽口。湯底係自家製嘅雞湯，濃而不膩。自家製洛神花茶2罐（+$20)自家製飲品，酸酸地，清熱解渴。追加甜品：煎紅豆麻糬餃（$35)我個人喜歡食麻糬，既然有紅豆麻糬餃，一定要試下。麻糬煙煙靭靭，紅豆唔會太甜，果然唔錯。📍勁餃笑紅磡德民街36號地下5L號舖
入到去坐低後，店員遞上qr code同自家製香辣菜脯。
我叫咗8隻湯餃（$48).鮮蝦帶子餃併大蔥牛肉餃（+$8)
入面有原隻鮮蝦和帶子，豬肉和粟米，鮮味十足。大蔥原來係紫蘇葉，又唔會蓋過牛肉嘅鮮味，每隻都飽滿多汁。
朋友叫咗煎餃8隻（+$48)，黑松露豬肉餃同芝士辣雞餃（+$6)
黑松露味道濃郁，入面仲有粟米粒，增加口感。芝士辣雞餃有少許辣，味道唔錯。餃子煎得好靚，外皮煎到金黃色，非常香脆。
除咗餃子我仲跟餐加麵食
花膠雞絲湯拉麵（+$35)
有一大片花膠，雞絲嫩滑，拉麵份量多又爽口。湯底係自家製嘅雞湯，濃而不膩。
自家製洛神花茶2罐（+$20)
自家製飲品，酸酸地，清熱解渴。
追加甜品：煎紅豆麻糬餃（$35)
我個人喜歡食麻糬，既然有紅豆麻糬餃，一定要試下。
麻糬煙煙靭靭，紅豆唔會太甜，果然唔錯。
📍勁餃笑
紅磡德民街36號地下5L號舖
張貼
