影片
更多
2016-10-11
4047 瀏覽
同同事到附近食飯，周圍行又見到間似幾正宗既拉麵店，馬上入去試試。店內裝修幾有日本風，有拉麵檔可以睇師傅表演。Menu幾簡單，正宗既拉麵店其實都唔會好多選擇。拉麵有四款：白天王-豚骨湯、赤天王-辛辣湯、黑天王-黑蒜油湯、限定天王-天王師傅會根據季節選用當造食材製作時令拉麵。一場黎到，當然試食限定王啦。朋友就揀左赤天王。今日既限定天王係胡椒天王。佢地既下單紙都係傳統日式拉麵店style，可自選湯底、麵質、肉、蔥等等。《限定天王-胡椒天王》一上枱就不得了，十分邪惡。濃濃既胡椒香味傳入，濃厚湯底上仲有滿滿既芝士，邪惡到極點。芝士慢慢溶化，融入湯底。一入口，芝士軟滑，麵條煙韌，口感十足。味道方面：濃香既黑胡椒，配上芝士，非常重口味。配菜方面：豚肉有兩大舊十分闊綽，肥瘦均勻，肉質嫩滑。《溏心蛋》除左拉麵，我仲點左一個溏心蛋。溏心蛋表面光滑，切開裡面半生熟少少流心。入口軟綿綿但未變液體狀，少少甜，好滿足。《赤天王》朋友好鍾意食辣，呢個辛辣湯底岩哂佢。麵底配菜大致上同我個胡椒天王一樣，只係湯底變左辛辣豚骨湯，而且無配芝士。我只係試左一啖湯底，湯底香濃，有少少微辣，非常惹味。朋友都覺得幾岩佢口味。埋單一
店內裝修幾有日本風，有拉麵檔可以睇師傅表演。
Menu幾簡單，正宗既拉麵店其實都唔會好多選擇。拉麵有四款：白天王-豚骨湯、赤天王-辛辣湯、黑天王-黑蒜油湯、限定天王-天王師傅會根據季節選用當造食材製作時令拉麵。
一場黎到，當然試食限定王啦。朋友就揀左赤天王。今日既限定天王係胡椒天王。佢地既下單紙都係傳統日式拉麵店style，可自選湯底、麵質、肉、蔥等等。
限定天王-胡椒天王
$89
38 瀏覽
0 讚好
0 留言
一上枱就不得了，十分邪惡。濃濃既胡椒香味傳入，濃厚湯底上仲有滿滿既芝士，邪惡到極點。芝士慢慢溶化，融入湯底。一入口，芝士軟滑，麵條煙韌，口感十足。味道方面：濃香既黑胡椒，配上芝士，非常重口味。配菜方面：豚肉有兩大舊十分闊綽，肥瘦均勻，肉質嫩滑。
溏心蛋
$12
16 瀏覽
0 讚好
0 留言
除左拉麵，我仲點左一個溏心蛋。溏心蛋表面光滑，切開裡面半生熟少少流心。入口軟綿綿但未變液體狀，少少甜，好滿足。
赤天王
$79
25 瀏覽
0 讚好
0 留言
朋友好鍾意食辣，呢個辛辣湯底岩哂佢。麵底配菜大致上同我個胡椒天王一樣，只係湯底變左辛辣豚骨湯，而且無配芝士。我只係試左一啖湯底，湯底香濃，有少少微辣，非常惹味。朋友都覺得幾岩佢口味。
埋單一人一百有找，價格都合理，拉麵癮起可以一試。
張貼
