東喜茶 (已結業)

今日同朋友喺銅鑼灣食完飯之後路過東喜茶，見佢做緊全日八五折，於是就入去試吓。因為我係第一次佢一啲比較轉嘅台式飲品店飲一啲比較有特色嘅台式飲品，所以當我見到有好多好多選擇，仲有埋季節限定之後，我完全唔識揀。於是我就問吓個店員唔同嘅飲品會有咩嘢唔同嘅特色，個店員好好禮貌，亦都好有耐性咁解答我哋嘅疑問。最後因為我自己覺得水果茶加咗芝士會有啲奇怪嘅關係，我揀咗一個比較普通嘅芝士奶茶，而我朋友就揀咗季節限定嘅芝士哈哈——即係芝士配哈密瓜。我自己就覺得我個芝士奶茶嘅芝士味好濃，亦都同奶茶嘅味好夾，而且飲完成杯都唔覺得好濟。而我朋友嘅芝士哈哈亦都有好濃嘅芝士味，我自己都真係覺得芝士同哈密瓜唔係好夾嘅，但我朋友就覺得唔錯。