添福小食 (已結業)

天氣忽然涼涼哋，我哋忽然包癮起，所以今晚就嚟到位於深水埗嘅「添福小食」。舖仔細細只做外賣，但舖頭外觀都經過精心裝飾，旁邊鐵閘更有一幅靚靚油畫，有興趣嘅朋友記得過嚟打埋卡啦。💛因為我哋本身唔太肚餓但又想食漢堡嘅關係，所以就只叫咗個「芝士黑椒牛肉漢堡」🍔一齊食😋。即叫即做等咗大約10分鐘，漢堡外表唔算特別，但一淡咬落去就知道唔簡單😆，手打牛肉漢堡扒🥩細嫩多汁，但同時又保留到小許筋肉，做到真正手打牛肉嘅應有口感👍，芝士熱溶於肉面，再加埋黑椒汁同埋少許茄醬， 輕微酸酸辣辣，惹味又醒胃。👏👅