瓏門冰室 (已結業)

備受抨擊既瓏門冰室，我地之前午市食過，覺得係普通茶記質素，唔會太難食又唔係太好食。一直被人批評佢地食物質素既瓏門，會唔會仲係好似以前咁？定還是已經有所改良？即刻話你知。今晚黎到尖沙咀瓏門冰室，一入門已經有大量正野睇，跟住坐低睇下餐牌，發現呢間瓏門晚市唔係淨係得茶記食物，仲有係煲仔小菜。我地心諗做茶記野都比人抨擊得咁勁，做埋大排檔野得唔得架？跟住我地叫左個二人餐，包兩個煲仔小菜，一個時菜，再加一份例牌叉燒或油雞，咁我哋就要左份叉燒。中式牛柳煲，牛柳份量足料，而且尚算入味，加埋配料，一定足夠一個人食，味道都幾好。菠蘿咕嚕雞球煲：雞球份量都好夠，同牛柳差唔多入味，菠蘿都有好多。佢地套餐會跟兩大碗飯，好大碗，食唔哂。時菜就普通白灼菜，加個豉油咁。個叉燒比想像中既好，需然切工麻麻，斬得比較大舊，但整體味道都夠。如果兩個男人食都一定夠飽，仲有兩杯飲品，二百幾蚊都算係咁。略嫌佢地地方淺窄仲用大碟上菜，呢方面要再改善下，同埋地方清潔要再做好啲，比較多塵。希望佢地會越做越好，我地會繼續支持。