影片
更多
2015-06-12
1071 瀏覽
食友知小弟因工作關係，間唔時要跑入重慶山區，農家樂以外，重慶菜、四川菜更會接觸不少，故此就以為我好食得辣，結果就拉埋我一齊嚟尖沙咀嘅「川熙樓」嚐川菜。其實，「普通辣」我都OK，但實際上我唔喺個好食得辣嘅人，就算晌山區做嘢，小弟大多數都喺揀清淡嘅素菜食，查實，辣都其次，可以食少啲，甚至避開唔食，但油淋淋先攞你命，炒個菜都會落好多油 ！友人曾經嚟過，佢話以前裝修比較西化，有啲卡位，反而覺得依然嘅環境頗別致，幾得意，挺有古時客棧小店格局，全場都喺木枱及長板櫈。是夜，人客較疏落，所以，我哋都可以靜靜哋咁傾偈。菜譜分頭盤、涼菜、特色菜、水煮、湯菜、辣子香鍋、湯羹、素菜、主食（飯麵）及甜品，部份菜色圖文並茂，辣定唔辣？有幾辣？可參考菜譜中嘅「辣椒」指數。前後試咗三款涼菜，藍莓山藥曾在別家餐廳試過，又睇睇川熙樓做得如何？蒜泥白肉稱得上川菜嘅涼菜名物，反而椒麻鹽水蝦屬於首嚐，幾款涼菜都有唔同賣點。藍莓山藥 $48每片山藥沾滿藍莓汁，均被染成鮮藍，而山藥口感粉粉黏黏，味道則帶有藍莓鮮味，兼有少少薄荷味及些少甜味。事後，跟店主傾開，原來個藍莓汁有加入藍莓醬增加色感，而甜味嚟自蜂蜜。蒜泥白肉 $78賣相比較
友人曾經嚟過，佢話以前裝修比較西化，有啲卡位，反而覺得依然嘅環境頗別致，幾得意，挺有古時客棧小店格局，全場都喺木枱及長板櫈。是夜，人客較疏落，所以，我哋都可以靜靜哋咁傾偈。
菜譜分頭盤、涼菜、特色菜、水煮、湯菜、辣子香鍋、湯羹、素菜、主食（飯麵）及甜品，部份菜色圖文並茂，辣定唔辣？有幾辣？可參考菜譜中嘅「辣椒」指數。
前後試咗三款涼菜，藍莓山藥曾在別家餐廳試過，又睇睇川熙樓做得如何？蒜泥白肉稱得上川菜嘅涼菜名物，反而椒麻鹽水蝦屬於首嚐，幾款涼菜都有唔同賣點。
藍莓山藥 $48每片山藥沾滿藍莓汁，均被染成鮮藍，而山藥口感粉粉黏黏，味道則帶有藍莓鮮味，兼有少少薄荷味及些少甜味。事後，跟店主傾開，原來個藍莓汁有加入藍莓醬增加色感，而甜味嚟自蜂蜜。
藍莓山藥
$48
52 瀏覽
1 讚好
0 留言
賣相比較做得精緻，肥瘦相間嘅五花腩均勻，入口感覺唔肥，最鍾意喺師傅刻意將白肉捲住啲青瓜絲，除令賣相更立體之外，食落更添清爽，辣椒蒜泥亦令到白肉相當惹味，又帶少少麻香。
蒜泥白肉
$78
55 瀏覽
2 讚好
0 留言
外觀略帶咯嗲蝦風格，以高身玻璃杯盛載登場，再配點沙律菜做裝飾。晶瑩嘅蝦隻既大又爽，點點鹹味，並以花椒嘅麻較重，辣味則隱若少少，墊底嘅青瓜粒非常爽脆，咪錯過。
椒麻鹽水蝦
$78
36 瀏覽
1 讚好
0 留言
野菌燉雞湯 $238又野菌，又燉湯，啱晒我啦，一大鍋野菌燉雞湯送到埋嚟，熱氣騰騰，香氣四溢。一大碟湯渣被你驗明正身，牛肝菌、姬松茸、老雞、赤肉 ……等等，燉足幾粒鐘，真喺唔醇香順喉就有鬼咯，可惜一鍋得5-6碗，想飲多啲都難。
野菌燉雞湯
$238
45 瀏覽
2 讚好
0 留言
自貢跳水娃 $188餐牌中有一類叫特色菜，田雞（牛娃）實在好耐無食過，嚟一客自貢跳水娃，就睇睇有幾特色。望落去時，咪睇佢又辣椒，又青椒， 唔喺好辣咋喎，而田雞啲肉質十分之嫩滑，越食越滋味。
自貢跳水娃
$188
42 瀏覽
2 讚好
0 留言
紅湯羊肉 $238屬水煮、湯菜類，一大湯紅噹噹紅油咁款，未食都有種火辣辣嘅感覺。未知喺咪個辣湯，羊肉食落唔太羶，質感則頗軟腍，但就越食越辣，果然火辣辣，內裡仲有唔少大蔥同大豆芽，不過沾滿辣湯，食友就話投降，小弟就繼續挑戰。
紅湯羊肉
$238
55 瀏覽
1 讚好
0 留言
香麻爬爬蝦（時價）辣子香鍋類揀嚟爬爬蝦，想知喺乜傢伙，原來喺琵琶蝦，哈哈。依道菜以時價計，今晚就賣$50隻，叫多少隨意，亦唔見店員講話幾多隻起計。香麻爬爬蝦以大木盆盛載，顧名思義，主打喺喺香與麻，所以，盆面堆滿大量配菜：大蔥、紫洋蔥、唐芹、鮮胡椒、蓮藕條，誘發不同香氣；而琵琶蝦則藏晒晌底，雖然肉唔算多，但惹味到不得了。
香麻爬爬蝦
$250
43 瀏覽
2 讚好
0 留言
杞子浸萵筍 $108有句諺語叫萬綠叢中一點紅，依道萵筍嘅出場正正相反，喺是晚嘅萬紅叢中一點綠，更似一道清泉咁登場，因為碧綠嘅萵筍，有種淡然清新嘅嬌態。的而且確，萵筍入口爽脆清新，浸晌高湯中，伴以一啲菇菌、杞子，簡單天然。
杞子浸萵筍
$108
35 瀏覽
2 讚好
0 留言
豆奶桃脂 $38以桃脂浸在豆漿中所做成嘅一道甜品，個人覺得豆漿稍淡，豆味亦唔夠濃，至於啲桃脂，其實無乜味，食落似雪耳嘅口感，但據介紹就營養豐富。
豆奶桃脂
$38
24 瀏覽
1 讚好
0 留言
豆奶桃脂
52 瀏覽
2 讚好
0 留言
張貼
