丸十日本食堂 (已結業)

星期五晚係葵芳搵嘢食 周圍都排晒隊 咁啱見到呢間唔使就入去試吓 點知入到去撳咗鐘仔叫人嚟落單 等咗10分鐘都冇人理 又冇員工行過 要特登行出去叫店員 叫到埋嚟先知 原來有得QR code落單 但係帶位嘅員工完全冇講過 叫咗幾款嘢食 豚肉壽喜燒唔錯 但係份量好少鰻魚丼飯 不過不失仲叫咗款12舊壽司嘅omakase 壽司 全晚最錯嘅決定 啲飯唔熟 刺身唔新鮮 海膽壽司係臭嘅 咁樣就收398仲要未加一 埋單7百幾 又貴又唔飽 第一次食到咁嘅垃圾 忍唔住上嚟寫差評 終於知點解呢間鋪咁多空位冇人食 呢一世都唔會去食第二次