森 (已結業)

今日揸車入元朗搵朋友，因為早左入去又醒起元朗有間食雞蛋仔好出名，所以就去搵嘢食順便打發下時間啦。元朗嘅又新街真係出名多嘢食，見到其他野都好想食不過今次目標明確，就係要食雞蛋仔啦！一去到間鋪頭都已經好多人排隊，再望下佢哋嘅Menu，都真係好多款式揀喎！淨係雞蛋仔已經有原味，朱古力味，綠茶味，芝麻味係限定嘅！仲有格仔餅，仲可以加埋雪糕，棉花糖同埋好多其他嘅配料，真係花都眼亂對於我呢啲有選擇困難症嘅人嚟講真係好慘㗎所以最後乖乖地淨係揀咗雞蛋仔，綠茶味。簡簡單單試吓好唔好味先🤪唔好以為佢係普通雞蛋仔店，店入面都有三張枱可以比食客坐低食架，見時間尚早咁就坐低等雞蛋仔啦！哇！個綠茶雞蛋仔同我想像嘅一模一樣，淨係睇過外表已經忍唔住即刻食返一粒，雖然佢未去到真係話超級好好味，但係喺元朗區已經成為食雞蛋仔嘅代表作啦！