影片
更多
2019-11-12
680 瀏覽
荃灣大鴻輝中心入面有唔少放題、火鍋店，每到晚飯時間就見到啲人大排長龍等𨋢，門口又有唔少食店姐姐派傳單，有時想潛入去入面地下間惠康買嘢都唔係咁易🙃如果唔想等太耐都未有得食(或連𨋢門都未見到)，早啲去係會好好多，好多餐廳晚市第一輪5:00就開始。又或者可以試下扶手電梯直達果三層食肆，好似今次介紹嘅緣聚鮮鍋。緣聚鮮鍋雖然係校長燒肉集團嘅，但無論佢個名、佢英文名Grand Together 、佢個招牌字型設計都貫徹一種好娘嘅感覺⋯不過都唔大問題嘅，始終啲嘢食係點先最重要。佢同校長燒肉嘅共通點係同一時段有多種放題選項俾你揀，佢分成A-E款，你可以揀齋火鍋，或者加埋甜品、刺身、就算最豪華嘅連特級牛肩胛骨都唔算貴。不過拎嘢食時要留意返自己揀嘅放題包咩，邊啲區唔拎得，都有啲麻煩😅入去時姐姐會叫你揀湯底同放題款式，我揀左風味麻辣湯底，放題款式我就揀左就包刺身。個湯底落左好多花椒，雖然係夠味但好辣，如果唔係咁食得辣建議揀第二款，寧願自己落辣油提味。火鍋料嘅選擇都算多，淨係丸類同蔬菜已經好多款，仲有紙仔俾你點，例如魚皮餃、蜆、扇貝、天婦羅⋯⋯味道方面，蜆同扇貝都算新鮮、天婦羅就幾厚炸粉，其他火鍋料同一般差唔
如果唔想等太耐都未有得食(或連𨋢門都未見到)，早啲去係會好好多，好多餐廳晚市第一輪5:00就開始。又或者可以試下扶手電梯直達果三層食肆，好似今次介紹嘅緣聚鮮鍋。
緣聚鮮鍋雖然係校長燒肉集團嘅，但無論佢個名、佢英文名Grand Together 、佢個招牌字型設計都貫徹一種好娘嘅感覺⋯不過都唔大問題嘅，始終啲嘢食係點先最重要。
佢同校長燒肉嘅共通點係同一時段有多種放題選項俾你揀，佢分成A-E款，你可以揀齋火鍋，或者加埋甜品、刺身、就算最豪華嘅連特級牛肩胛骨都唔算貴。不過拎嘢食時要留意返自己揀嘅放題包咩，邊啲區唔拎得，都有啲麻煩😅
入去時姐姐會叫你揀湯底同放題款式，我揀左風味麻辣湯底，放題款式我就揀左就包刺身。
個湯底落左好多花椒，雖然係夠味但好辣，如果唔係咁食得辣建議揀第二款，寧願自己落辣油提味。
火鍋料嘅選擇都算多，淨係丸類同蔬菜已經好多款，仲有紙仔俾你點，例如魚皮餃、蜆、扇貝、天婦羅⋯⋯味道方面，蜆同扇貝都算新鮮、天婦羅就幾厚炸粉，其他火鍋料同一般差唔多，冇乜點佢嘅熟食、甜品亦不太吸引所以冇試。
可能因為太多類型嘅火鍋店，感覺一般，唔會特別想再黎食😅
覺得較特別係佢可以自沖花茶，可以揀嘅茶葉、花都好多，沖好一壺返位可以慢慢飲，唔駛成日要出黎斟😉
張貼
