mr.kanso (已結業)

琴日同老公睇完戲，就去左呢間銅鑼灣既Mr.kanso 醫肚，貪佢有西餐食之餘，可以飲返杯，可以同老公浪漫下🥰❤️老公就叫左個激辛咖喱牛肉飯，黎到份量都幾多，我都試左啖，咖哩味幾濃，辣辣地，好開胃，鍾意食辣既可以一試，而我就叫左個白酒西班牙蜆肉意粉，蜆肉好大粒，唔會縮水，白酒夠香濃，每一啖都食到白酒既香味，配埋蜆肉食，成個意粉好鮮甜，配埋啤酒都好正！😚👍我地唔夠喉仲叫左個蘑菇漢堡扒薯蓉，呢個薯蓉真係勁滑！勁軟身！入口即溶，好重忌廉味，配埋漢堡扒既汁，好夾，漢堡扒都好結實，唔會散，咬落啖啖肉，好滿足🥰😋