樂園牛丸大王 (已結業)

如果講到潮式牛丸,點可能少得樂園牛丸大王?中學年代已經光顧其魚麵和牛丸,都十多年了,質素比當年初光顧時下跌,亦係不爭事實.如果對個牛丸無期望的話,也仲有個魚麵頂住,未致於淪為雞肋.牛丸沒有當年的彈牙,肉味亦遜於從前,魚麵還有魚味,只係覺得有點披頭散髮,質感唔夠結實.其他如四寶河等,一向不相往還,全無意見.話晒係潮式粉麵老字號,做左十幾年擁躉,吃一次差過一次,真係仲衰過捧列斯聯.愧對其忠心支持者.在飲食世界上,無話忠唔忠心呢回事,呢間不再好吃,顧客自然流失去過另一間吃過.如果捧一隊球隊,趁其戰績差而離棄的話,罪大惡極也.