Wheatfield X 羅宋湯專門店 (屯門市廣場1期) (裝修中)

記得多年前食過中環店一直對佢個羅宋湯念念不忘，但分店越來越越少，就好少再食了。近日見佢係屯門開左分店，咁近就一於去食下先。地點在屯市二樓，呢個位多左幾間新食店進註。餐廳呈開放式，坐位可自由選擇，在收銀位落完單就可以埋位等食，會有店員送餐啊😄🍲牛腩羅宋湯個羅宋湯真係太好味，雖然有幾款湯品揀，但諗都唔諗就要羅宋湯😆碗湯勁杰身好足料，酸酸地嘅蕃茄蔬菜味，牛腩軟腍，飲完碗湯都飽飽地啦😆🥚鹽燒牛舌溏心蛋飯朋友揀左跟配牛舌飯，大大碗好多牛舌，燒得焦香，口感軟綿綿，好食喎，美中不足係隻溏心蛋略微熟左少少，再流心點就完美啦😁🌶️麻辣雞絲上海撈麵自己就揀左跟撈麵配小食，麵揀左要上海麵，個醬油勁香，再加上炸蒜同蔥花真係無得彈。至於個麻辣雞絲就一般般啦，個人覺得個辣汁唔夠入味，雞有雞辣汁還辣汁咁，可能未係撈得好勻循🤔🍋凍檸茶餐飲要左凍檸茶走甜，茶濃檸香，ok啦😌雖然有加一服務費，但坐得舒服又唔趕客，可以慢慢食無壓力，加上個湯真係好正，想飲羅宋湯必來呢間🤤